کسانوں کے ساتھ مسلمانوں کو چلنا چاہئے۔ وحدت اسلامی

ممبئی: کل ہند تنظیم وحدت اسلامی کے معتمدِ عمومی (سکریٹری جنرل ضیاءالدین صدیقی) نے اپنی ایک پریس نوٹ میں کہا ہے کہ ’’گذشتہ ۴۰؍دنوں سے جاری کسانوں کے احتجاج میں اب وقت آگیا ہے کہ مسلمان بھی بڑی تعداد میں شریک ہوں۔ ضیاءالدین صدیقی نے مزید کہا کہ ’’یہ بہری گونگی حکومت نہ کچھ سن رہی ہے اور نہ کچھ بول رہی ہے ہٹلر اور مسولینی جیسے رویے کو اپنائے ہوئے ہیں جبکہ عوامی رائے ایک طرف ہے۔ کسانوں کی لڑائی اس حکومت سے آخری لڑائی ہے۔دیگرسیاسی پارٹیوں کی اپوزیشن تقریبا ختم ہو چکی ہے ۔ میدان بی جی پی کے لیے خالی کر دیا گیا ہے ، اور جو مخالفت ہو رہی ہے اس میں کوئی دم ہے اور دل کی آمدگی کی ہے۔ اگر کسان یہ احتجاجی لڑائی ہار جاتے ہے تو فرقہ پرستوں کا ہاتھ پکڑنے کی قوت اب کسی میں نہیں رہے گی اور مرکزی حکومت من مانی کرتی رہےگی۔ CAA, NRC, NPR پر مسلمانوں نے انصاف پسندوں کے ساتھ مرکزی حکومت کو دفاع میں لانے کی کوشش کی تھی لیکن دہلی فساد کروا کر اور اور لاک ڈ اؤن کا فائدہ اٹھا کر اس احتجاج کو ختم کرنے کی کوشش کی گئی ۔ ایک سال کی بعد اس کی یاد کرنے نکلی کینڈل ریلی پر بھی پولیس کا قہر تھما نہیں بلکہ انہیں بھی حراست میں لے لیا گیا اور عورتوں کو سلاخوں کے پیچھے رات گزارنی پڑی۔ ان دو عظیم احتجاجوں کو اب ایک ہو کر اپنی قوت کا اظہار کرنا چاہیے ۔انصاف پسند آج بھی ہر صحیح بات کا ساتھ دینے کے لیے تیار ہے ۔کسانوں کے جن کو حکومت بوتل میں اتر لے جاتی ہے تو CAA, NRC, NPR کے نفاذ پر کوئی اٹھنے کی طاقت نہ رکھے گا ۔اس لئے موقع سے فائدہ اٹھانا چاہئے ۔ مسلم جماعتوں ،تنظیموں ،اداروں اور انصاف پسند شہریوں سے وحدت اسلامی نے اپیل کی ہے کہ وہ کسانوں کے احتجاج میں شامل ہیں شریک ہوکر کالے قوانین کے خلاف اپنی قوت کا اظہار کریں۔ پریس سیکریٹری ایم۔ فلاحیؔ